మనసు మిస్చీఫ్

-----వాసుదేవ్
ఆమె
ఒయాసిస్సులోకి వెళ్ళినప్ప ట్నుంచీ
మాట విననని ఒకటే మొరాయింపు
పిచ్చి మనసని కొట్టి పారేయలేకపోయా......

దోసిల్నిండా వెన్నెలని పట్టి
మీదొంపేసుకున్నా
చల్లారలేదు!

భళ్ళు మని పగిలిన ప్రతీ
చినుకు గోళాన్ని స్పృచించాను
వేడొలకలేదు!

వర్ధనంలా విచ్చుకున్న ప్రతీ
మంచుబిందువుని గుండెలపై
జారవిడి చా
మాటవింటేనా!
అదే విరుపు
అదే అల్లరి
పిచ్చి మనసు మరి!

ప్రేమ తత్వం
కావాలంటూ---

ఆకసానికి హద్దులిస్తానన్నా
హరివిల్లుని చీరచుట్టుకోమన్నా
నయాగరాతో నిచ్చెనలేసుకోమన్నా
వద్దంది....మొండిగా
ఏమార్చాలని చూశా
స్కాచ్ తాయిలాలు పడవంది.....

ఆమె వచ్చి చెప్పాలంటాది
ప్రేమ వేదాంతం
అదిగో మాటల్లోనె....
ఎంతైనా మనసుతెల్సుకున్నది గా....
"నేను కావాలా ప్రేమే కావాలా"
అని అడిగితే
చెవిలో గుసగుసలు పడేసరికి

ఏదీ ఆ స్పందన?
* * * * * *